Мислата водилка се искачува по стрмнините
Стрмните падини на емоционалниот масив на колебање
На грбот носи ранец полн со слатки надежи и задоволства
Задоволство на кој некој засега непознат ќе се насладува.
“Лиричност од Шекспирова” содржи над четириесет песни. Поезијата е лирска, емотивна, искрена, има песни што потсетуваат на најдобрата традиција во македонската лирика, но и песни со свеж, смел и младешки израз и сензибилитет и авторска автентичност.
“Тежината на вториот чекор” содржи педесет песни поделени во шест циклуси со мотивска палета од младешки лирски рефлексии до наративни и лирски опсервации на цивилизациски, универзални и хуманистички мотиви. Книгата е илустрирана со цртежи од старото кинеско сликарство.